Қон босимининг нормадан паст бўлиши тиббиётда артериал гипотензия деб аталади. Бу ҳолатда қон босими 90/60 мм симоб устунидан паст бўлади. Агар гипотензия бошқа бир касаллик натижасида ривожланган бўлса, аввал асосий касалликни даволаш талаб этилади.
Бирламчи гипотензия эса икки усулда даволанади: медикаментоз (дорилар билан) ва номедикаментоз (дорисиз).
Дорисиз (номедикаментоз) даволаш:
• Кун тартибига қатъий риоя қилиш
• Кунига камида 8 соат тўйиб ухлаш
• Ҳар куни тоза ҳавода камида 2 соат сайр қилиш
• Баланслашган ва тўғри овқатланиш
• Зарарли одатлардан (тамаки, спиртли ичимликлар ва ҳ.к.) воз кечиш
• Жисмоний фаоллик (бадантарбия, енгил спорт турлари)
• Фитотерапия (ўсимликлар билан даволаш) ҳам самарали бўлиши мумкин
Маслаҳатлар:
Кунига бир стакан анор шарбати ёки ярим стакан узум шарбати ичиш орқали қон босимини меъёрга келтириш мумкин. Шунингдек, Аччиқ чой ва қаҳва — қон томирлар тонусини оширади, бу эса қон босимини кўтаришга ёрдам беради
Дори воситалари билан даволаш:
• Кофеин моддаси мавжуд дори воситалари
• Витаминлар комплекси
• Ноотроп воситалар (мия фаолияти ва қон айланишини яхшилайди)
Муҳим: дориларни фақат шифокор тавсияси билан қабул қилиш керак. Ўзбошимчалик билан даволаниш хавфли бўлиши мумкин.
Элбек БОЛТАЕВ,
невропотолог